Իրանը պատրաստվում է միանալ ԲՐԻԿՍ-ի զարգացման բանկին

Իրանը պատրաստվում է միանալ ԲՐԻԿՍ-ի Նոր զարգացման բանկին։ Այս մասին հայտարարել է Իրանի Կենտրոնական բանկի նախագահ Աբդոլնասեր Հեմմաթին՝ ընդգծելով, որ անդամակցությունը կարևոր քայլ կլինի ֆինանսական համագործակցության ընդլայնման և միավորման երկրների հետ ազգային արժույթներով հաշվարկների զարգացման ուղղությամբ։

Նրա խոսքով՝ ԲՐԻԿՍ-ի բանկի ստեղծումը միավորման անդամների համագործակցության առանցքային արդյունքներից է, իսկ գագաթնաժողովը եզակի հնարավորություն է բանկային և արժութային ոլորտներում հանդիպումների, կապերի ամրապնդման և համագործակցության զարգացման համար։

Հեմմաթին նշել է, որ Իրանը մտադիր է ակտիվորեն զարգացնել համագործակցությունը դրամավարկային քաղաքականության և թվային տնտեսության ոլորտներում, ինչպես նաև ընդլայնել ազգային արժույթների օգտագործումը փոխադարձ հաշվարկներում։

Իրանի անդամակցությունը ԲՐԻԿՍ-ի Նոր զարգացման բանկին, ըստ հաղորդագրության, պետք է ամրապնդի երկրի դիրքերը միջազգային ֆինանսական համակարգում և խորացնի համագործակցությունը միավորման գործընկեր երկրների հետ։