Ջուլիանա Գրիգորյանը ելույթ է ունեցել իտալացի աշխարհահռչակ տենոր Անդրեա Բոչելլիի հետ
«Operalia» համաշխարհային մրցույթի հաղթող Ջուլիանա Գրիգորյանը ելույթ է ունեցել իտալացի աշխարհահռչակ տենոր Անդրեա Բոչելլիի հետ։
Կրակովի «TAURON Arena»-ում կայացել է Բոչելլիի համերգը, որի ժամանակ կատարել է իր ամենահայտնի ստեղծագործությունները։ Բեմում երգչի հետ ելույթ են ունեցել հրավիրալ արտիստներ, որոնց թվում է եղել սոպրանո Ջուլիանա Գրիգորյանը։
Նրանք միասին կատարել են նաև Բոչելլի հայտնի «Time To Say Goodbye» երգը։
«Անուշ նոյեմբեր… Եվս մեկ երազանք իրականացավ:
Շնորհակալություն, մաեստրո Անդրեա Բոչելլի»,- սոցցանցում նման գրառում է արել Ջուլիանա Գրիգորյանը և հրապարակել համերգներից տեսանյութեր ու լուսանկարներ։
Նշենք նաև, որ երգչուհին Անդրեա Բոչելլիի հոբելյանական շրջագայության ընթացքում ելույթ է ունեցել նաև Բուդապեշտում։
Հիմա եթերում
