Կարա Բալա․ ծաղիկներ վաճառողը

«Մե՛կ նա մակինտոշ էր հագնում, մե՛կ պատռված լաթ։ Պարզ չէ՝ նա նկարիչ էր, թե ծաղիկներ վաճառող Կարա Բալա»,- գրել է Եղիշե Չարենցը:

Ստեփան Հարությունյանը, ով առավել հայտնի է Կարա Բալա անունով, ծնվել է հարուստ ընտանիքում, որին պատկանել են մետրոյի «Երիտասարդական» կայարանի տեղում ժամանակին ծաղկած ընդարձակ այգիները: Խորհրդային կարգերի հաստատումից հետո Հարությունյանների ընտանիքը կորցրեց իր ողջ հարստությունը, իսկ Ստեփանը դարձավ ծաղիկ վաճառող. քայլում էր փողոցներով ու ծաղիկներ վաճառում: 1934-1936 թվականներին Ստեփանը դատապարտվել է իշխանություններին հրապարակայնորեն վիրավորելու համար և հայ մեծ բանաստեղծ Եղիշե Չարենցի հետ նույն խցում է նստել, իսկ երբ դուրս է եկել բանտից, պարզվել է, որ նա ո՛չ տուն ունի, ո՛չ էլ ընտանիք…

Չնայած բարդ և ողբերգական ճակատագրին, Կարա Բալան չչարացավ, բայց շարունակեց ծաղիկներ վաճառել և, ինչպես նախկինում, դրանք նվիրել երիտասարդ աղջիկներին: Դեռ կենդանության օրոք նա դարձավ Երևանի լեգենդ, նրա կերպարն այնքան ներդաշնակորեն տեղավորվեց հայոց մայրաքաղաքի պատմության մեջ, որ նրա հեռանալուց հետո նրա մասին հիշողությունը չվերացավ։

Շուտով նրա լեգենդը նոր թափով բռնկվեց. 1991 թվականին Աբովյան փողոցում տեղադրվեց Կարա Բալայի բրոնզե արձանը՝ ծաղիկների զամբյուղով: Ավելին, նրա ծաղիկները միշտ իրական են:

Հուշարձանի հեղինակը քանդակագործ Լևոն Թոքմաջյանն է։

📍 Երևան, Աբովյան փողոց, 1/3