Կարեն Հովհաննիսյանի և Յուրի Կորոբեյնիկովի մանկական դետեկտիվը աշնանը կթողարկվի Wink.ru կայքում
01 Ապրիլի 2024, 14:47
Ավարտվել են «Հետաքրքրասեր Վարվառա» սերիալի նկարահանումները: Ութ սերիայից բաղկացած մանկական դետեկտիվ պատմությունը շոումեն Կարեն Հովհաննիսյանի և ռեժիսոր Յուրի Կորոբեյնիկովի համատեղ նոր նախագիծն է: Այս մասին գրում է yugopolis.ru-ն:
Սերիալը ստեղծվել է գրող Գեորգի Լանսկու ստեղծագործությունների հիման վրա, որոնք պատմում են 10-ամյա աղջիկ-հետախույզ Վարվառայի և նրա ընկերների արկածների մասին:
«Բավական չէ, որ նախագիծը հետաքրքրի միայն փոքրերին։ Ծնողներին նույնպես պետք է այն դուր գա, կարևոր նշանակություն ունենա և օգտակար լինի երեխաներին մեծացնելու համար: Մեր պատմությունը հիմնված է իմ մանկության բազմաթիվ փորձառությունների և վախերի վրա: Սա արվել է ծնողներին ժանրային հետաքրքիր ձևով մի պարզ միտք փոխանցելու համար՝ կարիք չկա վախեցնել երեխաներին, պետք է ուշադիր լսել նրանց։ Այն, ինչ կարող է լինել անմեղ սարսափ պատմություն մեծահասակի համար, երեխայի համար՝ տրավմա ողջ կյանքի համար:
Երեխաների համար կինոնախագծերն այժմ օդի պես անհրաժեշտ են, և դրանք կարևոր են և պետք է ավելի մեծ ծավալով ստեղծվեն: Շատ շնորհակալություն «Հետաքրքրասեր Վարվառա» ֆիլմը նկարահանելու հնարավորության համար։ Շնորհակալություն Ինտերնետի զարգացման ինստիտուտին, Ազգային մեդիախումբ ստուդիային և Wink.ru-ի գործընկերներին»,- նշել է Կարեն Հովհաննիսյանը:
«Հետաքրքրասեր Վարվառա» սերիալի պրեմիերան նախատեսված է այս տարվա աշնանը՝ «Wink.ru» կայքում։
Հիմա եթերում
