Կոնստանտին Օրբելյանը նշանակվել է «Israel Sinfonietta» կամերային նվագախմբի երաժշտական ղեկավար

Աշխարհահռչակ հայ դիրիժոր, դաշնակահար, պրոդյուսեր, «Գրեմմի» մրցանակի քառակի հավակնորդ Կոնստանտին Օրբելյանը նշանակվել է «Israel Sinfonietta» կամերային նվագախմբի երաժշտական ղեկավար: Նա պաշտոնը կզբաղեցնի այս տարվա օգոստոսից։

Մաեստրոն ներկայումս նաև Նյու Յորքի օպերայի (ԱՄՆ) գլխավոր և գեղարվեստական ղեկավարն է և Կաունաս քաղաքի սիմֆոնիկ նվագախմբի (Լիտվա) գլխավոր դիրիժորը։

«Israel Sinfonietta» երկրի առաջատար կամերային նվագախմբերից մեկն է։ Այն հիմնադրվել է 1973 թվականին Բեեր-Շևա քաղաքում ներգաղթյալ երաժիշտների նոր սերնդի կողմից։