Կուբանում Հայրենական մեծ պատերազմի վետերան Լեոնիդ Նանոյանի հիշողություններով ֆիլմ կներկայացվի

Կուբանում «Հերոսներ-քաղաքներ» շարքի շրջանակներում կներկայացվի Հայրենական մեծ պատերազմի վետերան Լեոնիդ Նանոյանի յուրահատուկ հիշողություններով վավերագրական ֆիլմը՝ «Փոքր երկիր» հայտնի պլացդարմի պաշտպանների սխրանքի մասին: Այս մասին իր տելեգրամյան ալիքում հայտնում է Կրասնոդարի երկրամասի վարչակազմը։

Հերոս-քաղաք Նովոռոսիյսկին է նվիրված շարքի յոթերորդ վավերագրական ֆիլմը։ Քաղաքի պաշտպանությունը սկսվել է 1942 թվականի օգոստոսի 19-ին և տևել 393 օր։ Ֆիլմում ներկայացվելու է զինվորների վճռական դիմադրության և անսասան տոկունության մասին պատմություն, ցուցադրվելու են ժամանակակից քաղաքի տարեգրությունն ու կադրերը, Հայրենական մեծ պատերազմի վետերան Լեոնիդ Նիկոլայի Նանոյանի յուրահատուկ հիշողությունները «Փոքր երկիր» հայտնի պլացդարմի պաշտպանների սխրանքի մասին, ինչպես նաև դերասան և շոումեն Միխայիլ Գալուստյանի ընտանեկան պատմությունն իր՝ Նովոռոսիյսկի պաշտպան պապի մասին: