Լիլիա Աբրամովայի նախագիծը նվիրված է աշխարհահռչակ գիտնական Արտյոմ Օհանովին

«Առաջնորդները Լիլիա Աբրամովայի հետ» նախագծի պրեմիերան նվիրված է հայազգի աշխարհահռչակ գիտնական, տեսաբան-բյուրեղագետ, Եվրոպական ակադեմիայի անդամ Արտյոմ Օհանովին։ Համապատասխան տեսանյութը գիտնականը տարածել է իր տելեգրամյան ալիքում։

«Նա բյուրեղներով հիացած տղայից դարձավ ճանաչված մասնագետ, ով նվաճեց Անգլիայի, Շվեյցարիայի և Ամերիկայի գիտական բարձունքները և վերադարձավ ծառայելու հանուն Ռուսաստանի բարօրության: Ինչպե՞ս է նրան հաջողվում հավասարակշռություն պահպանել գիտության աշխարհում լիակատար ընկղմվելու և տանն ընտանեկան երեկոների միջև՝ առանց մեկը մյուսին զոհաբերելու: Ի՞նչ է նա մտածում արհեստական ինտելեկտի ապագայի մասին, արդյոք այս հզոր գործիքը սպառնալիք կդառնա մարդկության համար: Իսկ ի՞նչն է նրա համար առաջնային՝ անձնական երջանկությո՞ւնը, թե՞ ներդրումը ընդհանուր բարօրության մեջ:

Այս պատմությունն արտաքին աշխարհի հետ ներդաշնակություն փնտրելու և սեփական ես-ի կատարելության ձգտելու մասին է: Վստահ եմ, որ դիտելով մեր պրեմիերան՝ ոչ միայն գիտելիք կստանաք, այլև հոգեպես կհանգստանաք։ Հենց այսպիսի վիճակում եմ եղել Արտյոմ Օհանովի հետ շփվելուց»,- ասվում է հաղորդման անոնսում։