Մահապատի՞ժ եք վերականգնել Հայաստանում, պիտի մարդիկ մեռնե՞ն՝ անկախ նրանից՝ մեղավոր են, թե անմեղ. Արամ Օրբելյան

«Մահապատի՞ժ եք վերականգնել Հայաստանում, պիտի մարդիկ մեռնե՞ն՝ անկախ նրանից՝ մեղավոր են, թե անմեղ»։ Այս մասին ասուլիսի ժամանակ ասել է փաստաբան Արամ Օրբելյանը՝ անդրադառնալով «Ուժեղ Հայաստան» կուսակցության՝ Ստեփանավանի համայնքապետի թեկնածու Արսեն Գևորգյանի՝ կալանավայրում մահվան դեպքին։

«Առաջին դեպքը չէ, որ քաղաքապետի թեկնածուն ընտրությունների ժամանակ կալանքի տակ է լինում։ Քրեակատարողական հիմնարկը կասի՝ դե ես ի՞նչ անեմ, շտապօգնություն եմ կանչել, շտապօգնությունը կասի՝ ես ի՞նչ անեմ, եկել եմ, արդեն մահացած է եղել։ Սա փորձում են բաղդատել, ամեն մեկն իր կտորները՝ ես մեղավոր չեմ։ Մեղավորը Հայաստանի Հանրապետությունն է, երբ որ իր վերահսկողության տակ գտնվող անձը մահանում է»,- նշել է փաստաբանը։