Միքայել սրբազանը կալանավորվեց երկու ամսով

Շիրակի թեմի առաջնորդ Միքայել արքեպիսկոպոս Աջապահյանը կալանավորվեց երկու ամսով։ Այսպիսի որոշում կայացրեց Երևանի ընդհանուր իրավասության դատարանի դատավոր Մասիս Մելքոնյանը։

Դատարանը սահմանափակեց նաև Միքայել սրբազանի շփումները` բացառությամբ մերձավոր ազգականների և պաշտպանների։

Դատարանի որոշումը ներկայացնելուց հետո Միքայել սրբազանի պաշտպան Արա Զոհրաբյանն ասաց, որ պաշտպանների թիմը կբողոքարկի որոշումը։

Նախնական տվյալներով` նրան կտեղափոխեն «Նուբարաշեն» ՔԿՀ։

«Սրբազանը պատրաստ էր այս որոշմանը»,– լրագրողներին ասաց Արա Զոհրաբյանը։