Մորդովիայում կայացել է հայկական հյուրընկալության փառատոն
Ա. Ս. Պուշկինի անվան ազգային գրադարանում «Հայկական մշակույթի օր» ստեղծագործական նախագծի շրջանակներում տեղի է ունեցել հայկական հյուրընկալության փառատոն:
Ինչպես հայտնում է Ռուսաստանի հայերի միության տելեգրամյան ալիքը, տոնի բացման արարողությանը հյուրերին ողջույնի խոսքով դիմել են Մորդովիայի Հանրապետությունում Ռուսաստանի հայերի միության նախագահ Լևոն Գառնիկի Սարգսյանը, Մորդովիայի Հանրապետության մշակույթի, ազգային քաղաքականության և արխիվային գործի նախարարի առաջին տեղակալ Ալեքսանդր Իվանի Կարիգինը, Մորդովիայի ժողովրդի միջտարածաշրջանային հասարակական կազմակերպության նախագահ Յուրի Ալեքսանդրի Միշանինը:
Միջոցառման հյուրերին սպասվում էր ազգային ցուցահանդես, համեղ հյուրասիրություն, ստեղծագործական խմբերի և մենակատարների համերգային ծրագիր, ինչպես նաև փառատոնի մասնակիցների պարգևատրման արարողություն:
Գրետա Նիկողոսյանը հանդիսատեսին ուրախացրել է հայկական երգերի կատարումներով՝ «Ծաղկիր ինձ համար», «Հայաստան ջան»: Հանդիսատեսին իր վարպետությունը ցույց է տվել հայկական երգի-պարի համույթը:
Հիմա եթերում
