Մոսկվան լուռ չի հետևի Հայաստանի՝ դեպի Եվրոպա շողումը․ Մարատ Բաշիրով
03 Հուլիսի 2026, 18:15
Քաղաքագետ Մարատ Բաշիրովը Alpha News-ին մեկնաբանել է Եվրոպական հանձնաժողովի նախագահ Ուրսուլա ֆոն դեր Լայենի այցը Հայաստան և Ադրբեջան։
«Ուրսուլա ֆոն դեր Լայենի այցի հիմնական նպատակներից մեկն, իհարկե, հասկանալն է, թե որքան հետևողականորեն Նիկոլ Փաշինյանը կպաշտպանի եվրոպական քաղաքական էլիտաների շահերը։ Հատկապես՝ ֆրանսիական, քանի որ Ռուսաստանի իշխանությունների վերջին քայլերը ցույց են տալիս, որ Մոսկվան լուռ չի հետևելու, թե ինչպես է Հայաստանը աստիճանաբար շարժվում դեպի Եվրոպա։ Այս իմաստով այցը նաև յուրատեսակ փորձություն է Փաշինյանի համար։
Լայենը մեկնել է նաև Ադրբեջան, և դրա պատճառը նույնպես ակնհայտ է։ Հայաստանի շահերի մի մասը կապված է Ադրբեջանի և Թուրքիայի գործողությունների հետ։ Հետևաբար, կարելի է ենթադրել, որ նա ցանկանում է նախագահ Իլհամ Ալիևի հետ քննարկել այն հարցը, որպեսզի Ադրբեջանը չխոչընդոտի Հայաստանի եվրաինտեգրման գործընթացին»,- նշել է քաղաքագետը։
Բաշիրովի գնահատմամբ՝ Հայաստանը տարածաշրջանային նախագծերի համատեքստում դարձել է ԱՄՆ-ի և Եվրոպայի միջև մրցակցության առանցքային կետերից մեկը։
Հիմա եթերում
