Մոսկվայում կայացել է «Քրիստոնյա Հայաստանի արվեստը» ցուցահանդեսի շնորհանդեսը

Մոսկվայի «Չեռնիգովի Գրապալատ» կրթամշակութային կենտրոնում բացվել է «Քրիստոնյա Հայաստանի արվեստը» ցուցահանդեսը:

Ցուցահանդեսը պատրաստվել է հայ եկեղեցական արվեստի «Տապան» թանգարանի կողմից՝ «Հին Արևելյան եկեղեցիներ» ուսումնական դասընթացի գործունեության համատեքստում։

«Քրիստոնյա Հայաստանի արվեստը» ցուցահանդեսի ընթացքում գրապալատի սրահներում կներկայացվեն մասունքներ և եզակի արտեֆակտներ, 20-21-րդ դարասկզբի հայ նկարիչների գեղարվեստական ստեղծագործությունները «Տապան» թանգարանի հիմնական ցուցադրությունից: Հյուրերը կարող են այցելել թեմատիկ դասախոսությունների և սեմինարների, համերգների և վարպետության դասերի, համտեսել հայկական խոհանոցի ավանդական ուտեստները և ծանոթանալ ավելի քան 1700 տարվա պատմություն ունեցող քրիստոնյա Հայաստանի արվեստագետներին:

Հայ Առաքելական Եկեղեցու կողմից ողջույնի խոսքով հանդես է եկել «Տապան» թանգարանի տնօրեն Դավիթ Բաղդասարյանը, ով ներկայացրել է ցուցահանդեսի հիմքում ընկած ընդհանուր հայեցակարգը:

«ՀԱԵ-ն դարեր ի վեր եղել է հայ ժողովրդի մշակույթի պահապանը և այդ առաքելությունը կրում է մինչ օրս։ Հայաստանի և Ռուսաստանի ժողովուրդների բարեկամությունը, մեր եղբայրության զգացումը, մեր ընդհանուր պատմությունը այն գանձն է, որը նյութական արժեք չունի, բայց ունի հոգևոր մեծագույն արժեք: Եվ մենք ուրախ ենք միմյանց հետ կիսել այդ հարստությունը», — նշել է Բաղդասարյանը։

Ցուցահանդեսը կգործի մինչև փետրվարի 26-ը: