Մոսկվայում կկայանա դաշնակահար Արտյոմ Լալայանի հոբելյանական համերգն ու ալբոմի շնորհանդեսը

Նոյեմբերի 12-ին Մոսկվայում կկայանա հայտնի դաշնակահար և կոմպոզիտոր Արտյոմ Լալայանի հոբելյանական համերգը և նոր ալբոմի շնորհանդեսը։ Երեկոն կանցկացվի «Ջազ՝ հայկական շեշտադրմամբ» խորագրով։

Միջոցառումը տեղի կունենա Արբատում գտնվող մշակութային կենտրոնում։

Բեմում Արտյոմ Լալայանի հետ հանդես կգան երաժիշտներ Ալեքսեյ Զավոլոկինը (կոնտրաբաս), Անդրեյ Իսակովը (հարվածային գործիքներ), Յուրի Պսյանչինը (սաքսոֆոն), Օլգա Անդրեևան (շեփոր)։

Կներկայացվեն դասական ջազի, ակադեմիական երաժշտության և հայկական էթնիկ ստեղծագործություններ։

Արտյոմ Լալայանը ճանաչված ջազ երաժիշտ է, կոմպոզիտոր, մանկավարժ և պրոդյուսեր։ Նրա ստեղծագործություններին բնորոշ է դասական ջազային հարմոնիայի և հայկական հարուստ էթնիկ երանգների յուրահատուկ համադրությունը։