Մոսկվայում տեղի կունենա «Հայաստանի պատմական քարտեզագրություն» ատլասի ֆաքսիմիլային հրատարակության շնորհանդեսը

Մայիսի 20-ին «The St. Regis Москва Никольская» հյուրանոցում տեղի կունենա «Հայաստանի պատմական քարտեզագրություն» ատլասի ֆաքսիմիլային հրատարակության շնորհանդեսը: Առաջին անգամ այս աշխատությունը, որն իր ձևով և բովանդակությամբ եզակի ուսումնասիրություն է, լույս է տեսել 1960 թվականին Ֆրանսիայում։ Այն աշխարհագրագետ և քարտեզագիր Զատիկ Խանզադյանի երկարամյա աշխատանքի արդյունքն է։

Պարբերականում մանրամասն արտացոլված են Հայաստանի պատմական փուլերն ու տարածքային փոփոխությունները, ինչպես նաև բացահայտում է հայ ժողովրդի բազմադարյա պատմությունը:

Զատիկ Խանզադյանը (1886-1980 թթ.) եղել է Ֆրանսիայի ռազմածովային ուժերի հրամանատար, Ֆրանսիայի հայերի մշակութային միության պատվավոր նախագահ, Հայկական ԽՍՀՄ Գիտությունների ակադեմիայի արտասահմանյան թղթակից անդամ և Հայկական աշխարհագրական ընկերության պատվավոր անդամ: Նա ստեղծել է Հայաստանի պատմական քարտեզների առաջին մասշտաբային ժողովածուն, որը բաղկացած է երկու հատորից և համալրված է ծավալուն տեղեկատու բաժնով։

«Հայաստանի պատմական քարտեզագրություն» ատլասի հրատարակումը հնարավոր է դարձել հայտնի գործարար և բարերար, «Руцог Инвест» հոլդինգի նախագահ Ռուբեն Գրիգորյանի շնորհիվ: