«Օպենհայմեր»-ի դերասան Դավիթ Դաստմալչյանը կխաղա Ալեքսանդր Սկարսգորդի հետ «Murderbot» սերիալում

Դավիթ Դաստմալչյանը, որը հայտնի է այնպիսի ֆիլմերում խաղացած իր դերերով, ինչպիսիք են «Օպենհայմեր» և «Ինքնասպանների ջոկատը», կմիանա Ալեքսանդր Սկարսգորդին («Տարզան. Լեգենդ») Apple TV+-ի «Murderbot» գիտաֆանտաստիկ սերիալում։ Այս մասին հայտնում է kanobu.ru-ն:

Murderbot-ը պատմում է Android-ի մասին, որն ունի ինքնագիտակցության ունակություն և վախենում է մարդկային հույզերից՝ միաժամանակ հետաքրքրություն ցուցաբերելով իր «հաճախորդների» նկատմամբ:

Գլխավոր հերոսը բախվում է իր ազատ կամքը թաքցնելու անհրաժեշտության հետ՝ միաժամանակ կատարելով վտանգավոր առաջադրանք։

Նշենք, որ Դաստմալչյանը վերջերս նկարահանվել է Քրիստոֆեր Նոլանի «Օփենհայմեր» ֆիլմում, որն արժանացել է SAG մրցանակի և գլխավորում է այս տարվա «Օսկար»-ի հավակնորդների ցուցակը:

Դերասանը նաև նկարահանվելու է Մայք Ֆլանագանի «Չակի կյանքը» նոր նախագծում և Բրայան Ֆուլերի «Փոշոտ նապաստակ» սարսափ ֆիլմում: