Որևէ մեկի եվրաինտեգրման հեռանկարներն այժմ խիստ կասկածելի են. Ալեքսանդր Ասաֆով

Քաղաքագետ Ալեքսանդր Ասաֆովը Alpha News-ի հետ զրույցում անդրադարձել է «Եվրամիությանը Հայաստանի անդամակցության գործընթաց սկսելու մասին» օրենքի նախագծին, որն առաջին ընթերցմամբ ընդունել է ՀՀ Ազգային ժողովը:

Փորձագետի կարծիքով՝ Հայաստանը կարող է նախանշել ցանկացած ուղղություն, սակայն դժվար թե մոտ ժամանակներս այդ հեռանկարը իրականանա:

«Ինչ-որ մեկի եվրաինտեգրման հեռանկարներն այժմ խիստ կասկածելի են, քանի որ ներկա քաղաքական իրավիճակում բազմաթիվ բարդություններ կան։ Չեմ ուզում հիշել Եվրամիությանն անդամակցելու Թուրքիայի հայտը, այնքան էլ տեղին չի լինի հիշել այն, որ Ուկրաինայի սահմանադրական մակարդակով գրանցված անդամակցությունը Եվրամիությանն արդեն իսկ ձևակերպվել է որպես մերժում։

Շատ բան կախված է դիրքորոշումից, այդ թվում՝ ամերիկացիներից։ Հետևաբար, ազգային մակարդակով Հայաստանը կարող է նախանշել ցանկացած ուղղություն, բայց չեմ կարծում, որ մոտ ժամանակներս այդ հեռանկարը գոնե ինչ-որ կերպ իրականանա։ Հայաստանը և՛ իրեն, և՛ շրջապատին ցույց է տալիս, որ ունի որոշակի ցանկություն, շարժման որոշակի ուղղություն, և պատրաստ է հետևել դրան», — ասել է Ասաֆովը։

Քաղաքագետի խոսքով՝ այս ամենը տանում է Մոսկվայի և Երևանի հարաբերությունների սառեցման:

«Կարծում եմ՝ կոնկրետ երկրի եվրաինտեգրման որոշումն այս կամ այն կարգով ընդունվում է Եվրամիության բոլոր անդամների կողմից, այլ ոչ թե միակողմանի։ Նրանք (Հայաստանը) ցանկանում են այս թեման քննարկել ակնհայտ քաղաքական ու ռազմական խնդիրների ֆոնին, որպեսզի գոնե սեփական բնակչությանը հայտարարեն, որ մենք գնում ենք այս ուղղությամբ։ Ռուսաստանը Հայաստանին կթողնի ցանկացած օրինագիծ ընդունելու ինքնիշխան իրավունքը, բայց ընդհանուր առմամբ, կարծում եմ, որ մենք խոսում ենք առնվազն հարաբերությունների սառեցման և համագործակցության կրճատման մասին», — եզրափակել է Ասաֆովը։