Որքա՞ն տարածք են զբաղեցնելու «TRIPP»-ի ենթակառուցվածքները․ Վարդանյանը՝ Խանդանյանին
13 Օգոստոսի 2026, 17:55
Այս պահին չեմ կարող կոնկրետ թիվ նշել տրամադրվող հողատարածքի չափի վերաբերյալ։ Այս մասին ԱԺ-ում ասել է Արտաքին հարաբերությունների մշտական հանձնաժողովի նախագահի թեկնածու Սարգիս Խանդանյանը՝ պատասխանելով «Հայաստան» խմբակցության պատգամավոր Քրիստինե Վարդանյանի այն հարցին, թե որքան տարածք է տրամադրվելու «TRIPP»-ի շրջանակում Հայաստանի տարածքում նախատեսվող ենթակառուցվածքներին։
Խանդանյանի խոսքով՝ ենթակառուցվածքների նախագծման փուլում համապատասխան նախագծերում կսահմանվեն, թե, օրինակ, ավտոճանապարհը կամ երկաթուղին ինչ երկարությամբ է անցնելու Հայաստանի տարածքով։
«Գիտե՞ք՝ ինչու ենք այս հարցը տալիս։ Ոչ թե որովհետև դա ինչ-որ դետալ է, փոքր կամ մեծ թիվ է, այլ որովհետև ձեր ասածից տպավորություն առաջացավ, որ ամբողջ Սյունիքով կարող են ենթակառուցվածքներ անցնել»,- նշել է Վարդանյանը։
Հիմա եթերում
