Փաշինյանի հայտարարությունները ՀԱՊԿ-ի վերաբերյալ քաղաքական շանտաժի բնույթ ունեն․ Ալեքսանդր Ասաֆով
25 Օգոստոսի 2026, 22:30
Քաղաքագետ, Տնտեսական և սոցիալական հետազոտությունների ինստիտուտի նոր տեխնոլոգիաների լաբորատորիայի տնօրեն Ալեքսանդր Ասաֆովը Alpha News-ին մեկնաբանել է ՀՀ վարչապետ Նիկոլ Փաշինյանի հայտարարությունն այն մասին, որ Հանրապետությունը առաջիկա հինգ տարիներին չի վերադառնա ՀԱՊԿ-ի աշխատանքներին, իսկ կազմակերպությունից ՀՀ-ի հնարավոր հեռացումը Երևանին կազատի ինքնուրույն որոշում կայացնելու անհրաժեշտությունից։
«Փաշինյանը հայտարարություններ է անում, և նրա ռեժիմը ընդհանուր առմամբ գործողություններ է ձեռնարկում, որոնք ուղղված են անցյալի հետ խզման, Եվրամիությանը միանալու ցանկության և Ռուսաստանի՝ իր վաղեմի գործընկերոջ հետ համագործակցությունից հրաժարվելու ցուցադրմանը։
Միևնույն ժամանակ նա ասում է՝ ես ՀԱՊԿ-ից դուրս չեմ գալու, որովհետև դա որոշակի ծախսեր ու հետևանքներ ունի։ Եթե ես ձեզ պետք չեմ՝ ինքներդ ինձ հեռացրեք։ Սա, իհարկե, շանտաժի դիրքորոշում է, որն ունի շատ ակնհայտ ենթատեքստ։ Նա ասում է՝ ես ինքս չեմ հեռանա, դուք ինձ ուժով հեռացրեք», — ասել է Ասաֆովը։
Հիմա եթերում
