Փաշինյանն ի վիճակի չէ պաշտպանել Հայաստանի ազգային շահը. Ասլան Ռուբաև
24 Ապրիլի 2024, 22:14
Քաղաքագետ Ասլան Ռուբաևը Alpha Նյուզ-ին մեկնաբանել է այն լուրը, որ Հայաստանի վարչապետ Նիկոլ Փաշինյանը 1915 թվականին Օսմանյան կայսրությունում տեղի ունեցած իրադարձությունների վերաբերյալ իր վերջին ելույթներում ոչ օգտագործել «ցեղասպանություն» եզրույթը:
Փորձագետի խոսքով՝ Նիկոլ Փաշինյանն ի վիճակի չէ պաշտպանել Հայաստանի ազգային շահը:
«Փաշինյանը պատահական չէ, որ խուսափում է «ցեղասպանություն» եզրույթից և նման արտաքին քաղաքականություն է վարում երկրի կառավարման ողջ ընթացքում։ Մենք տեսանք, որ Փաշինյանն ի վիճակի չէ պաշտպանել Հայաստանի ազգային շահը։ Նա ամեն ինչ արեց, որպեսզի Հայաստանը դադարի սուբյեկտ լինել և չկարողանա պաշտպանել իր ազգային շահերը։ Հիմա նա հարվածում է ամենակարևորին՝ պատմական հիշողությանը, փորձում է փոխարինել իմաստները և Հայաստանի համար ստեղծել նոր ձևաչափ, որն ամբողջությամբ կողմնորոշված կլինի դեպի Արևմուտք։
Նա ցանկանում է Հայաստանը դարձնել հավաքական Եվրոպական միություն, որտեղ պետությունները կուրորեն հետևում են արևմտյան դոկտրիններին և չգիտեն, թե ինչ է ազգային շահը: Փաշինյանն իր վարչապետության ընթացքում պարտվեց պատերազմում և կառավարման թիմի մեջ վերացրեց ազգային հպարտության զգացումը։ Նրանք այսօր ուղղակի ապակողմնորոշել են Հայաստանը, նրան դրել իրավազուրկ պետության դիրքում, որը գոյություն ունի առանց արտաքին քաղաքական շահերի և ի վիճակի չէ իրեն պաշտպանել։ Ես վախենում եմ պատկերացնել, թե ինչով կավարտվի նրա կառավարումը, քանի որ այս փուլում Փաշինյանը փորձում է Հայաստանը դարձնել Եվրոպական միության շարքային երկիր», — ասել է Ռուբաևը։
Քաղաքագետի խոսքով՝ Փաշինյանը ցանկանում է ոչնչացնել Հայաստանի բոլոր ավանդական արժեքները։
«Հայաստանն ապրում էր պատմական ցեղասպանության հիշողությամբ։ Եվ ահա այսօր նա ցանկանում է ոչնչացնել Հայաստանի բոլոր ավանդական արժեքները։ Փաշինյանն այսօր հեռանում է Ռուսաստանի հետ ավանդական դաշնակցային հարաբերություններից։ Նա նորմալ հեռանկարային հարաբերություններ չի տեսնում հետխորհրդային տարածքի բոլոր կողմերի հետ, բայց չգիտես ինչու դաշնակից է տեսնում Ֆրանսիային։ Հասկանալի է, որ նա կհեռանա ավանդական միություններից և դրանց փոխարինող կփնտրի ՆԱՏՕ-ում և, հնարավոր է, Եվրամիությունում։ Բայց նա պետք է հասկանա, որ Հայաստանը երբեք չի հետաքրքրի Արևմուտքին։
Արևմուտքը Հայաստանին կօգտագործի Հարավային Կովկասի տարածքում մեծ պատերազմ սանձազերծելու համար, իսկ Հայաստանի ազգային շահի վրա Արևմուտքը պարզապես թքած ունի։ Փաշինյանն այսօր Արևմուտքի՝ Հայաստանը ոչնչացնելու գաղափարների դիրիժորն է։ Դա շատ ցավալի է», — եզրափակել է Ռուբաևը։
Հիմա եթերում
