Պետդեպը մեկնաբանել է Ադրբեջանի՝ Վաշինգտոնում Հայաստանի հետ հանդիպումից հրաժարվելը
17 Նոյեմբերի 2023, 10:10
![](https://media.alphanews.am/wp-content/uploads/2023/11/17102813/Screenshot-2023-11-17-102739.png)
Միացյալ Նահանգները շարունակում է աջակցել Ադրբեջանի և Հայաստանի միջև խաղաղ բանակցություններին։ Այս մասին հայտարարել է ԱՄՆ պետքարտուղարության մամուլի քարտուղար Մեթյու Միլլերը՝ մեկնաբանելով Բաքվի հրաժարվելը Վաշինգտոնում Ադրբեջանի և Հայաստանի արտգործնախարարների հանդիպմանը մասնակցելուց։
«Մենք շարունակում ենք աջակցել խաղաղ բանակցություններին Ադրբեջանի և Հայաստանի միջև խնդիրները լուծելու համար: Մենք խրախուսում ենք երկու երկրներին մասնակցել այդ բանակցություններին, լինի դա ԱՄՆ-ում, թե այլուր, և մենք կշարունակենք այդ քաղաքականությունը»,- ասել է նա:
Հիշեցնենք, որ Բաքուն հրաժարվել է հանդիպումից, որը պետք է կայանար նոյեմբերի 20-ին Վաշինգտոնում՝ Ադրբեջանի և Հայաստանի արտգործնախարարների մակարդակով։