Փորձում ենք այնպես անել, որ նորվեգացիները հնարավորինս շատ խոսեն Ցեղասպանության մասին․ մենք՝ հայերս, ինչքան խոսենք, մեզ չեն լսի․ Նարինե Հարությունյան

Նորվեգիայում հայերըտարբեր ոլորտներում են՝ բժշկությունից մինչև շինարարություն։ Այս մասին Alpha News-ի եթերում ասաց «Հայ առաքելական եկեղեցական համայնքի» խորհրդի նախագահ Նարինե Հարությունյանը։

«Նորվեգիայում հայերը տարբեր ոլորտներում են՝ բժշկությունից մինչև շինարարություն։ Մոտ 2000 հայ է բնակվում Նորվեգիայում, իսկ մեր եկեղեցական համայնքն ունի գրանցված 420 անդամ։ Չունենք ընդհանուր հայ համայնք Նորվեգիայում, շատ վաղուց եղել է հայկական մշակութային համայնք, որը որոշժամանակ գործել է, ապա դադարեցրել գործունեությունը: 13 տարի առաջ մենք մի խումբ հայերով ստեղծեցինք համայնք, որը կկառուցեր հայկական եկեղեցի Նորվեգիայում։ Ճիշտ է, դեռ չունենքեկեղեցի, բայց ամեն ինչ սկսվեց այդ գաղափարից։ Նորվեգիան շատ թանկ երկիր է, շատ դժվար է եկեղեցի կառուցելը, ուստի մենք ձգտում ենք, որպեսզի մեր համայնքն ավելի ընդլայնվի,ավելի զարգանա»,-ասաց Նարինե Հարությունյանը։

Նարինե Հարությունյանը նաև նշեց, որ Նորվեգիայի օրենսդիր և գործադիր իշխանությունների ներսում հայեր չկան։

Խոսելով ապրիլի 24-ինկայացած միջոցառումների մասին, «Հայ առաքելական եկեղեցական համայնքի» խորհրդի նախագահը նշեց, որ ամեն տարի միջոցառումներ են անցկացվում, ծրագիրը կազմում է խորհուրդը։

«Ունենք Սուրբծննդյան պատարագ։ Նորվեգիան շատ մեծ երկիր է, և մեր անդամները հյուսիսում և հարավում են, ուստի ստիպված ենք մեր պատարագները տարբեր քաղաքներում կազմակերպել։ Զատկին ունեցանք եռօրյա ճամբար, տարբեր միջոցառումներ կազմակերպվեցին երեխաների և մեծերի համար։ Իսկ ապրիլի 24-ին ունենք պարտադիր այցելության երեք վայր՝ Օսլոն, որտեղ Նանսենի գերեզմանաքարիմոտ ծաղկեպսակ ենք դնում, Կրագերոն և Բերգենը։ Ունենք այլ միջոցառումներ հունիսին, ապա աշնանը։ Փորձում ենք այնպես անել, որ նորվեգացիները հնարավորինս շատ խոսեն Ցեղասպանությանհամար, մենք՝ հայերս, ինչքան խոսենք, դա մեր հարցն է, մեզ չեն լսի»,-հավելեց Նարինե Հարությունյանը։