Արդյոք ՀՀ քաղաքացիներն Ալիևին «Հայաստանը կառավարելու մանդատ» կտան

(Ո՞վ է Հայաստանի նոր սահմանադրության տեքստի հեղինակը)

Քաղաքագետ Բենիամին Մաթևոսյանը Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է․

«Փետրվարի 1-ին, մի քանի րոպեի տարբերությամբ, Ադրբեջանի նախագահ Իլհամ Ալիևը և Նիկոլ Փաշինյանը նույն տեքստեր են հնչեցրել՝ երկուսն էլ հայտարարել են Հայաստանի Սահմանադրությունը փոխելու և Անկախության հռչակագրից հրաժարվելու անհրաժեշտության մասին։ Ավելին, մենք արդեն անցել ենք այդ ռուբիկոնը, որից այն կողմ Իլհամ Ալիևը չի թաքցնում, որ «Նիկոլ Փաշինյանի և ամբողջ Հայաստանի կառավարման վահանակը» գտնվում է անձամբ իր ձեռքում։ Միգուցե ապագայում քաղաքական փոփոխություններից հետո, «քաղաքական դիահերձման» ընթացքում (Հայաստանում 2018թ-ից ի վեր տեղի ունեցած իրադարձությունների գործով հետաքննության ժամանակ) մենք նույնիսկ կարող ենք իմանալ, որ «տեքստերով փակ չաթեր» ստեղծվել են ոչ միայն «ՔՊ» խմբակցության անդամների համար, այլև այս խմբակցության քաղաքական ղեկավարության համար…

Իլհամ Ալիևն իր այսօրվա ելույթում նաև ցույց տվեց, որ «չի խնայի Նիկոլ Փաշինյանին» և պահանջելու է ոչ միայն վերանայել Հայաստանի Սահմանադրությունը կամ հրաժարվել Անկախության հռչակագրից, այլ պահանջելու է փոփոխություններ Հայաստանի գրեթե ողջ օրենսդրության մեջ։ Ալիևը ցույց տվեց, որ Փաշինյանը «անսահմանափակ քարտ» է «безлимитная карта») Բաքվի և Անկարայի համար, և այդ «անսահմանափակ»-ից Թուրքիայում և Ադրբեջանում մտադիր են օգտվել մինչև վերջ։

Ադրբեջանի նախագահի հայտարարությունների լույսի ներքո՝ նոր սահմանադրության ընդունման հնարավոր հանրաքվեն շատ կոնկրետ կարելի է անվանել Ալիևին՝ Հայաստանը կառավարելու մանդատ տրամադրելու ակտ։

Ինքներդ Ձեզ մի խաբեք, սա կլինի ոչ թե նոր Սահմանադրություն ընդունելու պլեբիսցիտ, այլ քվեարկություն՝ Իլհամ Ալիևին Հայաստանի կառավարման մանդատ տալու վերաբերյալ։

2024 թվականի հենց սկզբից մենք ասում ենք, որ Նիկոլ Փաշինյանը քաղաքականապես սնանկ է։ «Ադրբեջանի հետ խաղաղության պայմանագրի» ստորագրման հեռանկարների վերաբերյալ նրա թեզերը տարեսկզբին ոչնչացրեց անձամբ Ալիևը։ Ոչնչացվել է նաև այն թեզը, որ «Արցախը հանձնելով և բացելով սահմանը Թուրքիայի և Ադրբեջանի հետ՝ Հայաստանը և, համապատասխանաբար, Փաշինյանի ընտրողները տնտեսական աճ են ապրելու»։ Թեզերը ոչնչացվել են՝ Բաքուն հրաժարվում է հաշտության պայմանագրից, Թուրքիան և Ադրբեջանը հրաժարվում են բացել սահմանը։

Ելնելով ստեղծված պայմաններից՝ Փաշինյանը շատ լավ հասկանում է, որ այս փաստերը «թուլացրել են վարչապետի աթոռն իր տակ», և քաղաքական վակուումը լրացնելու համար նա տարեսկզբից քաղաքական ներկայացումներ է բեմադրում։ Տարեսկզբին շրջել է մարզերով և ստուգել վերանորոգման որակը, իսկ այսօր ձերբակալել է իր թիմի ներկայացուցիչներին։ Քաղաքական դատարկությունը «հրաշքներ է գործում», ուստի «հարվածի տակ» արդեն սկսել են ընկնել հենց Փաշինյանի թիմակիցները։

Սակայն, ինչպես ասում է ժողովրդական իմաստությունը, «Главное в следственных действиях — это не выйти на самих себя»։ Հաշվի առնելով այն հանգամանքը, որ Հայաստանի ներկայիս իշխանությունները ոչ մի բանի սահմանները չգիտեն (Ադրբեջանին զիջումներից մինչև իրենք իրենց «բոնուսներ» հատկացնելը), կարող են քննչական գործողությունների ժամանակ «իրենք իրենց վրա դուրս գալ», և արդյունքում Նիկոլ Փաշինյանը կարող է քաղաքական դատարկությունը լցնելու համար անգամ ինքն իրեն կալանավորել։ Մի զարմացեք, մենք դա նույնպես կարող ենք տեսնել…

Սակայն այս քաղաքական շոուի տարրը չի բացառում, որ Հայաստանը Նիկոլ Փաշինյանի ձեռքով մոտենում է աղետալի ցնցումներին, և որևէ ցուցադրական քաղաքական շոու չի կարող փոխել այդ իրականությունը:..

Մտածե՛ք դրա մասին…»։