Մեծ խնդիր կլինի առանց Ռուսաստանի դիմակայելը․ «Ժողովուրդն է խոսում»
05 Հուլիսի 2025, 10:50
«Ժողովուրդն է խոսում»․ Alpha News-ի այս նախագծի շրջանակներում մենք հարցախույզ ենք անցկացրել մայրաքաղաք Երևանում ու ԱՄՆ-ի, Ռուսաստանի հայաշատ համայնքներում՝ պարզելու քաղաքացիների կարծիքը վերջին շրջանի կարևորագույն թեմաների վերաբերյալ։
Պատասխանելով հարցին, թե ի՞նչ կտա Հայաստանին եվրաինտեգրումը, քաղաքացիներից մեկը նշել է․ «Հարյուրավոր տարիներ ապրել ենք ռուսների, պարսիկների հետ, և չենք կարող մեզ համոզել, որ մենք եվրոպացի են։ Մենք հայ ենք»։
Մեկ այլ քաղաքացի ասել է, որ Հայաստանի համար մեծ խնդիր կլինի առանց Ռուսաստանի դիմակայելը։ «Եթե օգնություն լինի, եթե մեր հարևան երկրներն աջակցեն, ապա ամեն ինչ հնարավոր կլինի անել»,- հավելել է նա։
Քաղաքացիները նշում են, որ այսօր Հայաստանը բարդ հարաբերություններ ունի իր հարևան երկրների հետ։ «Ցանկալի կլինի, որ մեր երկիրն ավելի ուժեղ լինի, որ Սփյուռքը ևս վստահ լինի»,- ասել է քաղաքացիներից մեկը։
Հիմա եթերում
