Պյատիգորսկում շնորհավորել են Հայրենական մեծ պատերազմի հայ վետերաններին

Պյատիգորսկի հայ համայնքի ներկայացուցիչներն այցելել են Հայրենական մեծ պատերազմի վետերաններ Նիկոլայ Արզումանյանին, համակենտրոնացման ճամբարների կալանավորներ Շողեր Պողոսյանին և Աննա Բաղդասարյանին: Այս մասին տելեգրամյան ալիքում հայտնել է Պյատիգորսկի հայ համայնքը:

Ի նշան երախտագիտության՝ վետերաններին հանձնվել են նվերներ, հարգանքի ու երախտագիտության խոսքեր են հնչել պատերազմի տարիներին ցուցաբերած արիության, հերոսության և անձնվիրության համար:

Համայնքի ներկայացուցիչներն ընդգծել են հայրենիքի պաշտպանների սխրանքների, հայրենասիրությանը նվիրված պատմությունները սերունդներին փոխանցելու կարևորությունը: