Սամբիստների վարկանիշային աղյուսակում ընդգրկվել է 5 հայ մարզիկ Ռուսաստանից

Սամբոյի միջազգային ֆեդերացիան ներկայացրել է 2024 թվականի արդյունքներով ուժեղագույն սամբիստների ցուցակը: Վարկանիշը ձևավորվել է մայրցամաքային առաջնության, աշխարհի առաջնությունների արդյունքների հիման վրա: Այս մասին հայտնում է Համառուսաստանյան սամբոյի ֆեդերացիայի տելեգրամյան ալիքը։

Տղամարդկանց ցուցակում ընդգրկվել են Էդուարդ Մուրադյանը, Վլադիմիր Մնացականյանը, Դավիթ Հովհաննիսյանը, Հովհաննես Աբգարյանը, իսկ կանանց ցուցակում՝ Անժելա Գասպարյանը։