Ռուսաստանի և Հայաստանի հարաբերությունների սառեցումը կազդի նաև տնտեսական հարցերի վրա. Ալեքսանդր Բեդրիցկի
19 Ապրիլի 2024, 23:47
Քաղաքական գիտությունների թեկնածու, քաղաքագետ Ալեքսանդր Բեդրիցկին Alpha News-ին մեկնաբանել է ՌԴ ԱԳՆ պաշտոնական ներկայացուցիչ Մարիա Զախարովայի հայտարարությունը, թե Մոսկվան Հայաստանից հստակ արձագանք է ակնկալում ԱՄՆ-ի և Բրյուսելում կայացած հանդիպմանը ռազմաքաղաքական պայմանավորվածությունների մասին տեղեկատվության արտահոսքից հետո։ Փորձագետի կարծիքով՝ Ռուսաստանի մտավախությունները միանգամայն արդարացված են.
Փորձագետի կարծիքով՝ դժվար է ակնկալել, որ ԵԱՏՄ-ի շրջանակներում Ռուսաստանից Հայաստանի բոլոր արտոնությունները կպահպանվեն, եթե երկու երկրների հարաբերությունները սառչեն։
«Հարկ է նշել, որ այստեղ շահագրգիռ կողմը ոչ միայն Ռուսաստանն է, այլ նաև Իրանը։ Իրանը շատ ավելի մոտ է Հայաստանին, քան Ռուսաստանը: Եվ հարց է առաջանում, թե նա ինչպես կարձագանքի։ Որովհետև եթե իսկապես տեղի ունենա այն ամենը, ինչի մասին խոսում է Զախարովան, ապա Հայաստանը կարող է հայտնվել լիակատար մեկուսացման մեջ, այդ թվում՝ տնտեսական։ Որովհետև դժվար է հաշվել այն փաստի վրա, որ Հայաստանի բոլոր արտոնությունները, իսկ Հայաստանը ԵԱՏՄ շրջանակներում շատ մեծ արտոնություններ է ստանում Ռուսաստանից, կպահպանվեն, եթե երկու երկրների միջև հարաբերությունների սառեցում լինի։ Իրանի համար անընդունելի է Հայաստանի տարածքով Զանգեզուրի միջանցքի հարցը»,- ասել է Բեդրիցկին։
Քաղաքագետի կարծիքով, եթե Ռուսաստանի և Հայաստանի հարաբերությունները սկսեն սառչել, դա անխուսափելիորեն կանդրադառնա տնտեսական հարաբերությունների վրա։
«Մենք տեսնում ենք, որ որոշ պայմանավորվածություններ իրականում ձեռք են բերվել Բրյուսելում, և դրանք շոշափում են տարածաշրջանի այլ խաղացողների, այդ թվում՝ Ռուսաստանի, Իրանի և Ադրբեջանի շահերը։ Ադրբեջանը նույնպես բավականին թերահավատորեն է վերաբերվում նման շփումներին։ Նրանք նախընտրում են աշխատել ոչ թե անգամ Ռուսաստանի, այլ Թուրքիայի տարածքով։ Եթե Ռուսաստանի և Հայաստանի հարաբերությունները սկսեն սառչել, ասենք, ռազմաքաղաքական ոլորտում, ապա դա անխուսափելիորեն կանդրադառնա տնտեսական հարաբերությունների վրա, այսինքն՝ ԵԱՏՄ-ի ներսում»,- եզրափակել է Բեդրիցկին։
Հիմա եթերում
