Ռուսաստանի տուրօպերատորների ասոցիացիան ակնկալում է «քարտային տուրիզմի» նոր բում

Առաջիկա տարում Ռուսաստանի տուրօպերատորների ասոցիացիան ակնկալում է «քարտային տուրիզմի» նոր բում: Մասնավորապես, Ռուսաստանի քաղաքացիների մեկնում արտասահման՝ միջազգային վճարային համակարգերի քարտեր թողարկելու նպատակով: Դա բացատրվում է ռուսական բանկերի թվի կրճատմամբ, որոնց UnionPay քարտերն ընդունվում են արտերկրում, ինչպես նաև արտասահմանում հին դոլարների փոխանակման հետ կապված դժվարություններով։

Ռուսաստանի տուրօպերատորների ասոցիացիայի փոխնախագահ Արթուր Մուրադյանը նշում է, որ հետխորհրդային երկրներում տուրօպերատորները տասնյակ հազարավոր նոր հարցումներ են ստանալու Visa-ի և MasterCard-ի համար։ Որպես «քարտային տուրիզմի» հիմնական ուղղություններ՝ նա նշել է Հայաստանը, Ղըրղզստանը, Ղազախստանը և Ուզբեկստանը։

Փորձագետները նաև նշում են, որ Visa-ի և MasterCard-ի օգտագործումը կապված է որոշակի բարդությունների հետ, բացի այդ, անհրաժեշտ է պարբերաբար զեկուցել Դաշնային հարկային ծառայությանը նման քարտերի հետ կապված հաշիվների համալրման մասին։