Ռուսաստանը Երևանից կպարզի ՀԱՊԿ-ում մասնակցությունը սառեցնելու մասին հայտարարությունների իմաստը. Պեսկով
23 Փետրվարի 2024, 14:07
![](https://media.alphanews.am/wp-content/uploads/2024/02/12135300/39480376_0_43_1280_763_600x0_80_0_0_8cf26c9e267e678b908b617655b94d59.jpg)
Ռուսական կողմը մտադիր է Երևանից պարզել ՀԱՊԿ-ին Հայաստանի մասնակցությունը դադարեցնելու մասին հայտարարությունների իմաստը. այս մասին ասել է ՌԴ նախագահի մամուլի քարտուղար Դմիտրի Պեսկովը։
«Հայկական կողմն այս առնչությամբ պաշտոնական գործողություններ չի ձեռնարկել։ Մենք նկատի ունենք կապ հաստատել մեր գործընկերների հետ և պարզաբանել այդ հայտարարությունների իմաստը։ Շատ կարևոր է հասկանալ մանրամասները։ Եվ մենք հույս ունենք, որ մեր հայ ընկերները մեզ ամեն ինչ կբացատրեն»,- ասել է Պեսկովը՝ «Զվեզդա» հեռուստաալիքին։
Հիշեցնենք, որ Հայաստանի վարչապետ Նիկոլ Փաշինյանը France 24 հեռուստաալիքին տված հարցազրույցում ասել էր, որ Հայաստանը սառեցրել է իր մասնակցությունը ՀԱՊԿ-ին։