Սա պատերազմ է կին տեսակի դեմ. Պետրոս Հաճեանը՝ Կալիֆորնիայի դպրոցներում սեռափոխման քարոզչությունը թույլատրելու մասին
27 Մայիսի 2023, 19:20
Alpha NEWS-ի եթերում հասարակական գործիչ Պետրոս Հաճեանը կոչ է արել հայ ծնողներին իրենց երեխաներին հանել դպրոցներից, ինչն ըստ նրա՝ կստիպի նահանգային իշխանություններին հաշվի նստել մյուսների հետ։
«Սրա դեմ պայքարելու մի տարբերակ կա․ ամեն մի հայ ընտանիք պետք է դպրոցից իր երեխային հանի մինչեւ հունիսի 2-ը, քանի որ Կալիֆորնիայում հունիսը հայտարարվել է հպարտության ամիս, ինչը նշանակում է, որ դպրոցներում աշակերտներին կոչ են անելու հագնվել ֆեմինիստական, միասեռականներին բնորոշ հագուստով, ինչն ակնհայտ ԼԳԲՏ քարոզչություն է»,- ասաց Պետրոս Հաճեանը։
Նրա համոզմամբ՝ սա արվում է ընտանիք հասկացությունը վերացնելու համար։ Պետրոս Հաճեանն այս գործընթացը բնորոշում է որպես հոգեւոր պատերազմ։
«Իրենք ատում են կին տեսակը, սա պատերազմ է այդ տեսակի, ծննդաբերության, մարդկության դեմ։ Հետո ուշ կլինի, հետեւաբար ես առաջարկում եմ, եթե երեխայիդ պետք է ուղարկես հանրային դպրոց միասեռականներին բնորոշ հագուստով, ապա հագցրու եռագույնը, Արցախի դրոշը, պետք է ազգայնականությամբ պայքարենք։ Խաչը դիր վրադ, մենք այդպես պետք է ցույց տանք, որ չենք ընդունելու իրենց քարոզչությունն ու պարտադրանքը»,- նշեց Պետրոս Հաճեանը։
Հիմա եթերում
