Սամվել Մուժիկյանի ռեժիսորական դեբյուտը կլինի «Մի քիչ առանց ընկերներիս» ընտանեկան ֆիլմը
27 Նոյեմբերի 2024, 13:39
Ռուսաստանի Դաշնության մշակույթի նախարարությունում տեղի է ունեցել մանկապատանեկան ֆիլմերի նախագծերի պաշտպանությունը: Փորձագետները գնահատել են ֆիլմերի ստեղծման համար սուբսիդավորման հայտ ներկայացրած կինեմատոգրաֆիստական կազմակերպությունների նախագծերը։ Քննարկվել է 37 նախագիծ:
Ներկայացված ֆիլմերից է «Մի քիչ առանց ընկերներիս» ընտանեկան ֆիլմը, որի ռեժիսորը Սամվել Մուժիկյանն է: Դա կլինի նրա ռեժիսորական դեբյուտը։
Պատմության կենտրոնում մի աղջկա պատմությունն է, ով առաջին կորուստն է ունցել․ մահացել է նրա տատիկը։ Նրան փորձում են օգնել մրցակից դասընկերները՝ Դենիսն ու Անտոնը, որոնք սիրահարված են նրան։ Տղաների աջակցության շնորհիվ աղջիկը հաղթահարում է տխրությունը և ավարտում այն պիեսը, որը սկսել է գրել տատիկի հետ։
Բեմադրիչի խոսքով՝ նա ցանկանում է ցույց տալ, որ երեխաների ուժը ընկերության մեջ է։ Նախագծի գեղարվեստական ղեկավարն ու պրոդյուսերն Արմեն Անանիկյանն է։
Փորձագետների գնահատման արդյունքները հայտնի կդառնան դեկտեմբերին։
Հիմա եթերում
