Սիմֆերոպոլի Սուրբ Հակոբ եկեղեցում նշվել է Սուրբ Զատիկը

Սիմֆերոպոլի Սուրբ Հակոբ եկեղեցում հայ համայնքի ներկայացուցիչները տոնել են Սուրբ Զատիկը: Այս մասին հայտնում է Ղրիմի հայկական ընկերության տելեգրամյան ալիքը։

Բազմաթիվ ծխականներ մասնակցել են Սուրբ պատարագին, ինչպես նաև եկեղեցու բակում զատկական զամբյուղների օրհնությանը։

Պատարագի ընթացքում եկեղեցու առաջնորդ Ներսես քահանա Խանանյանն ընթերցել է Գարեգին Բ Ամենայն Հայոց Կաթողիկոսի՝ Սուրբ Զատիկի պատգամը։

Տոնի առթիվ բարերար Վադիմ Կարապետյանի աջակցությամբ ներկաների համար պատրաստվել է հայկական ավանդական «հարիսա» ուտեստը։