Ստեփանակերտում մեկնարկել է հրաձգության մրցույթի հանրապետական փուլը
30 Մայիսի 2023, 21:50
![](https://media.alphanews.am/wp-content/uploads/2023/05/30152051/182099.jpg)
Այսօր՝ մայիսի 30-ին, մայրաքաղաքի Խաչատուր Աբովյանի անվան համար 1 հիմնական դպրոցում մեկնարկել է հրաձգության մրցույթի հանրապետական փուլը:
«Արցախպրես»-ի թղթակցի հետ զրույցում գլխավոր մրցավար Սվետլաննա Ֆիրյանը տեղեկացրել է, որ Արցախի Հանրապետության կրթության, գիտության, մշակույթի և սպորտի նախարարության նախաձեռնությամբ կազմակերպված մրցույթին մասնակցում են Ստեփանակերտի, Մարտունու, Մարտակերտի, Ասկերանի և Շուշիի հավաքական թիմերը։
![Нет описания.](https://scontent.fevn6-2.fna.fbcdn.net/v/t1.15752-9/349195112_1012194386892343_1457281284725299537_n.jpg?_nc_cat=102&ccb=1-7&_nc_sid=ae9488&_nc_ohc=LJwti7ZwE3QAX_g7auT&_nc_ht=scontent.fevn6-2.fna&oh=03_AdRpGVGPfMb-_XrI1pRKL29jkMG8KQonaTOMlMXdVbPD5Q&oe=649D58D7)
«Թիմերում ընդգրկված են 4-ական տղաներ և աղջիկներ, որոնք շրջանային փուլում լավագույն արդյունքներն են գրանցել: Նախորդ տարվա համեմատ հանրապետական փուլին այս տարի քիչ թվով թիմեր են մասնակցում։ Չնայած դպրոցներում հարմար պայմաններ չկան հրաձգությամբ ավելի շատ զբաղվելու համար, այնուամենայնիվ, մասնակիցները կարողանում են արդարացնել սպասումները»,-նշել է Ս. Ֆիրյանը՝ հավելելով, որ մրցանակային տեղեր գրաված թիմերը նախարարության կողմից կպարգևատրվեն դիպլոմներով և դրամական պարգևներով:
![Нет описания.](https://scontent.fevn6-1.fna.fbcdn.net/v/t1.15752-9/350359900_268698645540289_6495829546372002642_n.jpg?_nc_cat=110&ccb=1-7&_nc_sid=ae9488&_nc_ohc=oAzUVvB5jnMAX_cZoGy&_nc_ht=scontent.fevn6-1.fna&oh=03_AdQoR7L279CutP7ImdNFJdgXBosaFik_bUqSaO7Jq8ze5g&oe=649D528C)