Թրամփը հրապարակել է Վենեսուելայի քարտեզն՝ ԱՄՆ դրոշի գույներով

ԱՄՆ նախագահ Դոնալդ Թրամփն ակնարկել է, որ Վենեսուելան կարող է միանալ ԱՄՆ-ին՝ որպես 51-րդ նահանգ՝ հրապարակելով նկար, որտեղ հանրապետությունը պատկերված է ամերիկյան դրոշի գույներով։

Ամերիկայի առաջնորդն իր Truth Social սոցիալական հարթակում հրապարակել է Հարավային Ամերիկայի հյուսիսային հատվածի քարտեզը, որտեղ Վենեսուելան ընդգծված է ԱՄՆ դրոշի գույներով, իսկ վերևում գրված է՝ «51-րդ նահանգ»։

Դոնալդ Թրամփը նախկինում ևս ակնարկել էր Վենեսուելան ԱՄՆ-ին միացնելու ցանկության մասին։ Ավելի վաղ Fox News-ի լրագրողը Թրամփի հետ զրույցից հետո հայտնել էր, որ նախագահը լրջորեն դիտարկում է Վենեսուելայի՝ ԱՄՆ կազմ մտնելու հնարավորությունը։