Թրամփը կրկին չեղարկում է «ծննդաբերական տուրիզմը»
07 Օգոստոսի 2026, 10:30
ԱՄՆ նախագահ Դոնալդ Թրամփը երկրորդ անգամ փորձել է սահմանափակել ԱՄՆ քաղաքացիություն ստանալու ծննդյան իրավունքը՝ օգոստոսի 6-ին ստորագրելով երկու հատուկ գործադիր հրամանագիր։ Դա տեղի է ունեցել ավելի քան մեկ ամիս անց այն բանից հետո, երբ ԱՄՆ Գերագույն դատարանը հակասահմանադրական էր ճանաչել այդ իրավունքը սահմանափակելու նրա առաջին փորձը։
Հրամանագրերից մեկն ընդլայնում է «ծննդյան վայրի իրավունքով» քաղաքացիություն ստանալու բացառությունների ցանկը՝ ներառելով օտարերկրացիների նոր խմբեր, որոնց երեխաները չեն կարողանա ստանալ ԱՄՆ քաղաքացիություն, նույնիսկ եթե ծնվել են Միացյալ Նահանգներում։
Մյուս հրամանագիրը արգելում է այսպես կոչված «ծննդաբերական տուրիզմը»՝ այն պրակտիկան, երբ հղի օտարերկրացի կանայք հատուկ մեկնում են Միացյալ Նահանգներ՝ այնտեղ ծննդաբերելու նպատակով, որպեսզի իրենց երեխան ծննդավայրի հիմքով ստանա ԱՄՆ քաղաքացիություն։ ԱՄՆ-ն այն սակավաթիվ երկրներից է, որտեղ քաղաքացիություն կարելի է ստանալ հենց ծնվելու վայրի հիման վրա։
«Սա պետք է տեղի ունենար դեռ շատ տարիներ առաջ, բայց մենք լուծում ենք այդ հարցը հիմա»,- հայտարարել է Թրամփը՝ ստորագրելով հրամանագրերը, որոնք, ըստ նրա, իր նախընտրական խոստումների շարունակությունն են՝ ուղղված ԱՄՆ ներգաղթի սահմանափակմանը։
Հիմա եթերում
