UFC-ն հաստատել է Ծառուկյան-Մախաչև տիղոսային մենամարտի օրը

UFC-ն հրապարակել է թեթև քաշային կարգում Արման Ծառուկյանի և Իսլամ Մախաչևի միջև տիտղոսային մենամարտի ամսաթիվը: Մենամարտը կկայանա 2025 թվականի հունվարի 18-ին Լոս Անջելեսում՝ UFC 311 մրցաշարի շրջանակներում:

Մարտիկներն արդեն հանդիպել են 2019 թվականին UFC Fight Night 149 մրցաշարում։ Այդ ժամանակ մրցավարների միաձայն որոշմամբ հաղթանակ է տարել Մախաչևը։ Ծառուկյանի համար դա դեբյուտային մենամարտ էր UFC-ում։

Նախօրեին տեղի է ունեցել Մախաչևի ու Ծառուկյանի միջև «հայացքների մենամարտը»։

Հիշեցնենք, որ 28-ամյա Ծառուկյանը տարել է 22 հաղթանակ և 3 պարտություն MMA-ում: UFC-ում նա ներկայացնում է Հայաստանը: Ավելի վաղ մարտիկը UFC-ի ութանկյունում հանդես էր գալիս Հայաստանի և Ռուսաստանի դրոշներով։