Վալերիկ Մովսիսյանը փոքր արծաթե մեդալ է նվաճել

Մեր ծանրորդները շարունակում են ելույթները Ալբանիայում ընթացող Եվրոպայի երիտասարդների ու Մ23 տարեկանների առաջնությունում:

Մրցումային հերթական օրը երիտասարդների 95 կգ քաշային կարգում Հայաստանի ներկայացուցիչ Վալերիկ Մովսիսյանը պոկում վարժությունում բարձրացրեց 160 կգ, սակայն չկարողացավ գլխավերևում պահել 165 կգ: Այս վարժությունում նա դարձավ արծաթե մեդալակիր։

Հրում վարժությունում Մովսիսյանը ունեցավ երկու հաջող մոտեցում ու բարձրացրեց 180 կգ ու 187 կգ: Երկամարտի 347 կգ արդյունքով` Վալերիկ Մովսիսյանը Եվրոպայի այս առաջնությունում 4-րդն է: