Ղազախստանում հանդես է եկել Համազգային թատրոնը, ցուցադրվել են հայկական ֆիլմեր

Ղազախստանում Հայաստանի մշակույթի օրերի շրջանակում Աստանայի Քալիբեկ Կուանիշբաևի անվան ազգային երաժշտական դրամատիկական թատրոնում ելույթ է ունեցել Սոս Սարգսյանի անվան hամազգային թատրոնը։

Թատերախումբը ներկայացրել է Դանիել Խարմսի «Լյու Բյոֆ» ներկայացումը, որն արժանացել է ղազախստանցի հանդիսատեսի ջերմ ընդունելությանը։ Բեմադրության ռեժիսորը թատրոնի գեղարվեստական ղեկավար Նարինե Գրիգորյանն է։

Նույն օրը «7 IMAX KERUEN» կինոթատրոնում շարունակվել է հայկական կինոծրագիրը, որի ընթացքում ցուցադրվել են անիմացիոն ֆիլմեր, իսկ երեկոյան կինոսեր հանրությունը դիտել է Էդգար Բաղդասարյանի «Յաշան և Լեոնիդ Բրեժնևը» խաղարկային ֆիլմը։