Յանա Եգորյանը՝ սուսերամարտի Աշխարհի գավաթի արծաթե մեդալակիր
22 Ապրիլի 2026, 12:10
Հայ սուսերամարտիկ, օլիմպիական խաղերի կրկնակի չեմպիոն, աշխարհի եռակի չեմպիոն, թիմային առաջնություններում Եվրոպայի վեցակի չեմպիոն, Ռուսաստանի վաստակավոր սպորտի վարպետ Յանա Եգորյանը դարձել է Աշխարհի գավաթի փուլի արծաթե մեդալակիր։ Մրցաշարն անցկացվել է ապրիլի 15-ից 20-ը Հունաստանի մայրաքաղաք Աթենքում։
Մարզուհին մրցաշարը սկսել է համաշխարհային վարկանիշի վեցերորդ հորիզոնականից։ Վստահ հաղթահարելով բոլոր փուլերը՝ Յանան հասել է վճռորոշ մենամարտին։
Եզրափակչում համառ պայքարում նա զիջել է Հունգարիայի ներկայացուցիչ Շուգար Կատինկա Բատտային։
Հիմա եթերում
