Առնո Տեր-Սահակովն առաջին հայն է, որ բարձրացել է երեք «ութհազարանոց» գագաթների վրա

Լատվիահայ համայնքի ղեկավարներից մեկը՝ լեռնագնաց Առնո Տեր-Սաակովը, հաջող վերելք է կատարել Մանասլու լեռան գագաթ (8 163 մ):

«Այսպիսով նա դարձել է առաջին հայը, ով բարձրացել է երեք «ութհազարանոց» գագաթների վրա», — ասվում է Armenian Geographic-ի ֆեյսբուքյան էջում:

2023 թվականի ամռանը նա բարձրացել էր աշխարհի երկրորդ գագաթը՝ K2 (8611 մետր), իսկ 2019 թվականին աշխարհի ամենաբարձր լեռան՝ Էվերեստի (8848 մետր) գագաթը:

Մանասլուն աշխարհի ութերորդ ամենամեծ լեռն է։ Համարվում է Հիմալայներում գտնվող Մանսիրի-Հիմալ լեռնաշղթայի մի մասը։