Մուսա Լեռան հերոսամարտի հուշարձանի հիմնարկեք Ֆրեզնոյում

Ֆրեզնոյի Մուսա լեռան հայրենակցական միությունը տեղեկացնում է հայրենակցական միության անդամներին և համայն մուսալեռցիներին, որ, «Արարատ-Մասիս» գերեզմանատան մեջ, հայկական «Նեմեսիս» գործողության հերոսներից Սողոմոն Թեհլերյանի հուշարձանին կից գտնվող հողամասի վրա տեղի է ունեցել Մուսա լեռան հերոսամարտին նվիրված հուշարձանի կառուցման հիմնաքարերը:

Ուշագրավ էր, որ նույն օրերին, Երևանի մէջ տեղի ունեցավ «Նեմեսիս»ի հերոսներին նվիրված հուշակոթողին բացումը:

Հիմնարկեքի հանդիսավոր միջոցառմանը Մուսալեռցիների միության ատենապետ  Նշան Տէր Գալուստյանը, ողջունեց  Հայաստանի պատվո հյուպատոս Պերճ Աբգարյանին, Աշոտ վրդ. Խաչատուրյանին, վերապատուելի Ներսէս Պալապանյանին, Եսայի քհնյ. Պետրոսին, «Արարատ-Մասիս» գերեզմանատան հանձնախումբի ատենապետ Մարք Թօփուզյանին, կուսակցական, կազմակերպութիւններին ,միութենական եւ եկեղեցական ներկայացուցիչներին եւ ներկաներին։ Նա  շնորհակալական  խոսք հղեց բոլոր նրանց, որոնք նյութական օժանդակությամբ իրենց մասնակցությունն են  բերել   կառուցվելիք հուշարձանի հիմնադրամին։

Հայաստանի պատվո հյուպատոս Պերճ Աբգարյանը կարևոր քայլ որակեց կոթողի  կառուցման ծրագիրը և շեշտեց, որ այն միայն մուսալեռցիներին չի պատկանի այլ համայն հայությանը:

Աշոտ վրդ. Խաչատուրյանը  քաջալերեց Մուսա լեռան հուշակոթողի հանձնախմբի աշխատանքը և ընդգծեց, որ այս հուշակոթողը  նորագույն վկայություն  պետք է դառնա և Մուսա լեռան  հերոսամարտը հավերժ կհիշվի։

Ապա հոգեւորականաց դասը, առաջնորդությամբ Աշոտ վրդ. Խաչատուրյանի՝ հրավիրեցին հուշարձանի հանձնախումին՝ մասնակցելու հերոս նահատակների մասունքները պարունակող մետաղյա արկղի զետեղմանը. բոլոր  մասնակցողների ձեռամբ, օրհնությամբ եւ աղոթքներով արկղը տեղադրվեց հուշարձանի հիմքի մէջ։