Թբիլիսիի քաղաքապետի թեկնածու Կախա Կալաձեն հավաքել է ձայների ավելի քան 71 տոկոսը
05 Հոկտեմբերի 2025, 11:55
Վրաստանի իշխող «Վրացական երազանք» կուսակցությունից Թբիլիսիի քաղաքապետի թեկնածու Կախա Կալաձեն հավաքել է ձայների ավելի քան 71 տոկոսը: Այդ մասին հայտնում է Վրաստանի Կենտրոնական ընտրական հանձնաժողովը՝ քվեաթերթիկների 100 տոկոսի մշակումից հետո։
Համաձայն ԿԸՀ-ի տվյալների՝ Իշխող «Վրացական երազանք»-ի թեկնածուները քաղաքապետներ են դարձել Թբիլիսիում, Ռուսթավիում, Քութայիսում, Բաթումում և Փոթիում:
Կախա Կալաձեն հաղթել է Թբիլիսիի քաղաքապետի ընտրությունում ձայների 71,58%-ով ու ստացել 214 872 ձայն:
Երկրորդ տեղում է ընդդիմադիր «Ուժեղ Վրաստան-Լելո» և «Գախարիան հանուն Վրաստանի» կուսակցությունների թեկնածու Իրակլի Կուպրաձեն: Նրան աջակցել է ընտրողների 12,27%-ը:
Հիմա եթերում
