«Իշխանափոխության հնարավորություն տեսնում եմ, բայց ոչ ընտրություններով». «2026. ի՞նչ է լինելու»
10 Հունվարի 2026, 20:00
Քաղաքագետ Ալեն Ղևոնդյանը 2026 թվականին իշխանափոխության հնարավորություն տեսնում է, բայց դա ըստ նրա՝ չի լինելու ընտրությունների միջոցով:
«Այս պահի դրությամբ խորհրդարանական ընտրություններում ընդդիմությունը երկրորդ տեղում է, որովհետև Փաշինյանը գնում է մարդկանց, բիզնես: Վարչական համակարգով և ուժայիններով նա փորձելու է ամեն ինչ առաջ տանել ու Եվրամիության «աջակցությունը» լինելու է նրանում, որ ձայն չեն հանելու: ԵՄ-ն մեզ իր շահերի համար է «աջակցելու», որ Ռուսաստանի դեմ փորձեն երկրորդ ճակատ բացել կամ փորձեն Ռուսաստանի ներգրավվածությունն այստեղ զսպել: Մեզ օգտագործելու են, բայց ես հնարավորություն եմ տեսնում, որ 2026-ին երկրում կարող է իշխանափոխություն լինել և դա չի լինելու ընտրություններով: Դա լինելու է հետընտրական պայքարով, լինելու են համապատասխան զարգացումներ. կամ Հայաստանի Հանրապետությունը կլինի կամ կդառնա հարակից տարածք ինչ-որ ռեգիոնալ ուժային բևեռների մասով»,- Alpha News-ի՝ «2026. ի՞նչ է լինելու» նախագծի շրջանակում ասել է Ալեն Ղևոնդյանը:
Չնայած, ըստ քաղաքագետի, Փաշինյանը ցածր ռեյտինգ ունի, այդուհանդերձ, նրան դեմ մարդիկ անհրաժեշտ չափով կողմ չեն մյուսներին: Բացի այդ, ըստ Ղևոնդյանի՝ Փաշինյանն ունի Եվրամիության աջակցությունը:
«ԵՄ արտաքին քաղաքական գծով հանձնակատար Կայա Կալասը բացահայտ ասաց, որ Հայաստանի 2026-ի ընտրություններն իրենց ընտրություններն են և ԵՄ-ն աջակցելու է իշխանություններին: Այս հայտարարությունից հետո պետություն բառը ֆեյք է դառնում, ասում են՝ մենք աջակցելու ենք գործող վարչապետին, որ նա վերընտրվի: Ակնհայտ է, որ իշխանությունը սպառնալիքների ընկալում ունի կապված «Մեր ձևով» շարժման հանրային լեգիտիմության հետ ու նաև հանրային ատելության մթնոլորտի հետ: Չեմ կարող ասել, որ իրենք ռեյտինգ չունեն, իրենք ռեյտինգ ունեն, բայց դա լեգիտիմ չէ»,- նշել է Ալեն Ղևոնդյանը:
Մանրամասները՝ տեսանյութում:
Հիմա եթերում
