Ալեքսանդր Ադաբաշյանն արժանացել է «Ոսկե արծիվ» մրցանակի

Ռուսաստանի արվեստի վաստակավոր գործիչ, ռեժիսոր, դերասան և կինոդրամատուրգ Ալեքսանդր Ադաբաշյանն արժանացել է «Ոսկե արծիվ» ազգային կինոմրցանակաբաշխության հատուկ մրցանակի՝ ռուսական կինեմատոգրաֆիայում ունեցած նշանակալի ավանդի համար։ Այս մասին հաղորդել է «ՌԻԱ Նովոստի»-ն։

«Առաջին հերթին ցանկանում եմ շնորհակալություն հայտնել այն մարդկանց, որոնք անհրաժեշտ համարեցին ինձ հանձնել այս մրցանակը, և ասել, որ իմ վաստակն այստեղ հարաբերական է, քանի որ դերասանական իմ բազմաթիվ փորձառությունները ձևավորվել են բացառապես այն բանի շնորհիվ, որ աշխատել եմ որպես աշակերտ՝ մեծ վարպետների կողքին», — մրցանակը ստանալիս նշել է Ադաբաշյանը։