Արթուր Սաֆարյան․«Լրագրությունից և երգ գրելուց մինչև արցախյան պատերազմի խրամատներ». «Ալֆա զրուցակից»
15 Փետրվարի 2026, 21:00
«Ալֆա զրուցակից» փոդքասթի շրջանակում Alpha News-ի գլխավոր խմբագիր Տիգրան Քոչարյանը զրուցել է կոմպոզիտոր, պրոդյուսեր և լրագրող Արթուր Սաֆարյանի հետ։
Զրույցի ընթացքում Արթուր Սաֆարյանը պատմել է լրագրության մեջ իր առաջին քայլերի, «Օտար ամայի ճամփեքի վրա» հաղորդման և ինչպես էին ընտրվում նկարահանման վայրերը՝ Նորվեգիայից մինչև Արաբական թերակղզի։
Նա անդրադարձել է պատմական ու հոգևոր արժեքներին, մասնավորապես՝ Դեր Զորի անապատին, առեղծվածային Պալմիրային և միակ բնակավայրին, որտեղ դեռ խոսում են Քրիստոսի լեզվով։ Բանախոսները մտորել են հին քաղաքակրթությունները բնաջնջելու փորձերի և Երուսաղեմի հայկական թաղամասի դերի մասին՝ մեր ինքնությունը պահպանելու գործում։
Սաֆարյանը կիսվել է ընտանեկան ջերմ հիշողություններով, խոսել այն մասին, թե ինչու իր մայրը երգչուհի չդարձավ, և ինչպես է իր մանկությունն անցել՝ լի երաժշտական նախասիրություններով, ակորդեոնով և ազգային նվագարաններով: Նա հիշել է նաև իր ուսանողական տարիներն ու առաջին էքսպերիմենտալ ֆակուլտետը։
Քննարկվել է թե որն է ռոք-երաժշտության «Էվերեստը» և Հախվերդյանի ու Մեսչյանի ազդեցությունն իր կյանքում։ Արթուր Սաֆարյանը պատմել է իր առաջին գրված երգի պատմությունը, Արսեն Սաֆարյանի և այլ հայտնի երգիչների հետ համագործակցության, նաև ինչպես հայտնվել «Ի՞նչ Որտե՞ղ Ե՞րբ» խաղի «Երաժշտական դադարում»։
Զրույցի կարևոր թեմաներից են եղել Արցախյան պատերազմները,հարազատ եղբոր հետ նույն խրամատում լինելը, «Պարոնայք սպաներ» և «Գնդապետ» երգերի ստեղծման հանգամանքները։
Իր կյանքի ուղին կրկին ընտրելու հարցին ի պատասխան՝ Սաֆարյանը վերահաստատել է իր հավատարմությունը ներկայիս ուղուն։
Հիմա եթերում
