Հայկ Մարտիրոսյանը կարիերայում առաջին անգամ հաղթել է «Տիտղոսային երեքշաբթի» մրցաշարում

Հայ գրոսմայստեր Հայկ Մարտիրոսյանն իր կարիերայում առաջին անգամ հաղթել է «Տիտղոսային երեքշաբթի» անվամբ հայտնի առցանց մրցաշարերից մեկում։

Նա տարել է 9 անընդմեջ հաղթանակ և մրցաշարում գրանցել իր առաջին հաղթանակը՝ վաստակելով 11 հնարավորից 10 միավոր։ «Chess.com»-ի տվյալներով՝ Մարտիրոսյանի վերջին երկու պարտիաներն ավարտվել են ոչ-ոքի, ընդ որում՝ միասին դրանք կազմել են 267 քայլ։

Երկրորդ տեղը զբաղեցրել է Իրանի ամենաերիտասարդ գրոսմայստեր Սինա Մովահեդը (9.5 միավոր), իսկ երրորդը՝ հնդիկ Արջուն Էրիգայսին (9 միավոր)։

«Տիտղոսային երեքշաբթի» մրցաշարը Chess.com հարթակում անցկացվող ամենշաբաթյա մրցանակային առցանց շախմատային մրցաշար է։