Վերանայեք ձեր տոնը, Ձեզնից որևէ մեկը չի վախենում․ Աննա Գրիգորյանը՝ Հայկ Կոնջորյանին
05 Օգոստոսի 2026, 17:50
«Պարոն Կոնջորյան, առաջարկում եմ վերանայել ձեր տոնը։ Ձեզնից որևէ մեկը չի վախենում»,- այս մասին Ազգային ժողովում ասել է «Հայաստան» խմբակցության պատգամավոր Աննա Գրիգորյանն՝ անդրադառնալով ՔՊ-ական Հայկ Կոնջորյանի ելույթին։
«Ձեր ընդհանուր լարվածության մեջ ես արձանագրեցի, որ եթե ձեր եղբայրը պարեկների ուղեկցությամբ գնում և սպառնում է մարդկանց, դուք փորձում եք հեռավորություն պահել նրա գործողություններից, ինչը նորմալ է, քանի որ դուք նրա համար պատասխանատվություն չեք կրում։ Բայց հետո այս ամբիոնից՝ փողկապով և սանրված մազերով, նույն սպառնալիքներն եք հնչեցնում»,- ընդգծել է Աննա Գրիգորյանը։
Նրա խոսքով՝ խորհրդարանի ամբիոնը պետք է օգտագործվի ոչ թե ճնշումների, այլ քաղաքական քննարկումների համար։
Անդրադառնալով ԲՀԿ-ի և Գագիկ Ծառուկյանի բիզնեսների առնչվող թեմաներին՝ պատգամավորն ընդգծել է, որ իշխանության գործողությունները վնասում են երկրի ներդրումային միջավայրին ու միջազգային հեղինակությանը․
«Ինչո՞ւ ենք խոսում Ծառուկյանի բիզնեսների մասին․ շատ պարզ պատճառով․ նախ՝ ոտնատակ եք տվել մեր հայրենակիցների 60 000 ձայնը, և երկրորդ՝ ձեր գործողությունները մասնավոր իրավունքի ոտնահարում են։ Դուք ուղղակի բիզնեսներ եք խլել, ինչը լուրջ սպառնալիք է հետագա ներդրումներ ներգրավելու համար»,- հավելել է նա։
Հիմա եթերում
