Արցախից հայերի բռնի տեղահանության մասին ֆիլմը մրցանակի է արժանացել Խորվաթիայում

Ամերիկահայ ռեժիսոր և հեռուստահաղորդավարուհի Դիանա Մեդիսոնի «Տնից լավ տեղ չկա» (There’s No Place Like Home) վավերագրական ֆիլմը մրցանակի է արժանացել Croatian International Film Festival (CIFF) կինոփառատոնում։

Ֆիլմը հաղթել է «Լավագույն դեբյուտային լիամետրաժ ֆիլմ» (Best First Feature ) անվանակարգում։

Ֆիլմը նվիրված է 2023 թվականի իրադարձություններին և Արցախից բռնի տեղահանված հայերի պատմությանը։ Հերոսների անձնական պատմությունների միջոցով հեղինակը ներկայացրել է փախստական դառնալու, կորստի, գոյատևման և բռնի տեղահանումից հետո «տուն» հասկացության իմաստի որոնման պատմությունները։