Արիանա Անդոնյանը նշանակվել է «Los Angeles Sparks»-ի գլխավոր մենեջեր

Արիանա Անդոնյանը նշանակվել է WNBA-ի «Los Angeles Sparks»-ի գլխավոր մենեջեր։ 31-ամյա մարզուհու ին, որը Լոս Անջելեսում մեծացել է հայկական ընտանիքում, կարիերայի նոր փուլ է սկսում՝ ամբողջությամբ կապված բասկետբոլի հետ։ 

Նոր պաշտոնում նա պատասխանատու կլինի թիմի կազմի ձևավորման, սկաուտինգի, անձնակազմի համալրման և թիմի զարգացման երկարաժամկետ ռազմավարության համար։ Անդոնյանը մինչ այս պաշտոնը զբաղեցրել է «Ֆիլադելֆիա Սևենթի Սիքսերս»-ի կադրերի գծով փոխնախագահի պաշտոնը և եղել է ֆարմ-ակումբի՝ G League-ում հանդես եկող «Դելավեր Բլյու Քոութս»-ի գլխավոր մենեջերը։

Հարավային Կալիֆոռնիայի համալսարանն ավարտելուց հետո նա կենտրոնացել է կառավարման և վերլուծության վրա՝ կարիերա կառուցելով բասկետբոլի ոլորտում։ Անդոնյանի նշանակումը նշանակալի իրադարձություն է Միացյալ Նահանգների հայկական սփյուռքի համար, որը ակտիվորեն տոնում է նրա հաջողությունը։