Սիմֆերոպոլում հրատարակվել է Սուրբ Խաչ վանքի մասին գրքի թարգմանությունը

Ռուսաստանի և Նոր Նախիջևանի Հայոց թեմի առաջնորդ, արքեպիսկոպոս Եզրաս Ներսիսյանի օրհնությամբ Սիմֆերոպոլում լույս է տեսել նախաառաջնորդ Խորեն Ստեփանեի «Ղրիմի Սուրբ Խաչ վանքը» գրքի թարգմանությունը։

Գրքի թարգմանիչն ու կազմողը Սիմֆերոպոլի Սուրբ Հակոբ եկեղեցու հոգևոր հովիվ Տեր Ներսես Խանանյանն է։

Գրքում ռուսերեն տեքստին զուգահեռ ներկայացված է նաև բնագիրը՝ հայերեն լեզվով։

Հրատարակությունը հետաքրքիր կլինի Ղրիմն ու հայկական սփյուռքն ուսումնասիրող պատմաբաններին ու տեղագետներին, Հայ Առաքելական Եկեղեցու հետազոտողներին, Սուրբ Խաչ վանք այցելող ուխտավորներին ու զբոսաշրջիկներին, ինչպես նաև բոլոր նրանց, ովքեր գնահատում են հոգևոր մշակույթի հուշարձանները և ցանկանում են ավելի խորը հասկանալ Ղրիմի բազմազգ ժառանգությունը: