Դժոխքի միջով անցած արցախցիները Հայաստանում մնացել են բախտի քմահաճույքին

Սոնյա Աբալյանը զավակներ չունի, ամուսնու հետ Երևանում են, ժամանակավորապես, ըստ նրա բարի մարդկանց տանն են տեղավորվել, սակայն գնալու տեղ չունեն, մատչելի վարձավճարով բնակարան են փնտրում, բայց չեն գտնում:

Շարունակվում է Արցախից բռնի տեղահանված հայերի աջակցության քաղաքացիական նախաձեռնությունները, որոնցով անհատներն ու բազմաթիվ կազմակերպություններ փորձում են ձեռք մեկնել նրանց ու սփոփել վիշտը: Alpha News-ը նկարահանող խումբը մի քանի ժամ անցկացրել է աջակցության կենտրոններից մեկում և լսել արցախցիների մտահոգությունները:

Alpha News-ը զրուցել է ծնունդով Հադրութից Մարտունու 17 տարվա բնակիչ Սոնյա Աբալյանի հետ, որն Արցախի ամենապահանջված անասմաբույժերից մեկն է եղել: Արցունքները չի կարողացել զսպել, երբ վերհիշել է ավելի քան 40 ժամ տևած բռնագաղթի ճամփան:

«Ընդմիջման ժամն էր, երբ եկանք տուն՝ սկսեցին կրակահերթ բացել մեր գյուղի ուղղությամբ, անմիջապես ապաստարանում թաքնվեցինք, փախչելիս ընկա ոտքս կոտրեցի»,- արցունքները կոկորդում պատմել է կինը:

«Մարտունիում ամեն ինչ ունեինք, մեկ օրում ամեն ինչ կորցրեցինք, բայց դա դեռ աքիս չի գալիս: Երիտասարդների գերեզմաններն այնտեղ մնացին»,- նշել է Սոնյան:

Alpha News-ը զրուցել է նաև մայիսի 9-ին ծնված 30-ամյա արցախցի Նժդեհի հետ, որը բոլորին խնդրում է չմոռանալ Եռաբլուրում պառկած հերոսներին.

«Մենք կռվել ենք մինչև վերջ: Այսքան տարի, որ Արցախ ենք ունեցել, ապա դա եղել է միայն հայկական բանակի շնորհիվ»,- ընդգծել է երիտասարդը, որը սեպտեմբերի 19-ին Ադրբեջանի սանձազերծած ռազմական ագրեսիայի ժամանակ եղել է դիրքերում:

Մանրամասները՝ տեսանյութում: